昨日、今日、明日

一日，某在酒樓遇見乜水，此對話由此而生 … …

無聊無話題，某又反正離咗，倒不如就搵D野講下啦 … …

某：   喂，家下D人興講活在當下喎，咁，你對活在當下有乜意見呀，阿乜水？

乜水： 昨日的你形成今日的你，今日的你形成將來的你，當下的你剛巧夾在兩者中間。

某：   吓，咁即係點呀？

乜水： 你嘗試將昨日今日明日並排而列，而你係主體。

某：   唔，咁跟住呢？

乜水： 將時間排序之後，你會睇到，今日的你係由昨日的你而離，而，將來的你又由今日的你而生，沒有例外。

某：   唔，係吖。

乜水： 咁，你想將來嘅你係點吖？

某：   好囉~

乜水： 咁我地就試下用想將來好嘅角度出發，由於你係由昨日而離，不過昨日已經改變唔到，不過，聽日又未曾發生，咁你可以試下用今日嘅你嚟幫助聽日嘅自已，咁樣成件事會容易D。

某：   哦～ 自已幫自已吖嘛，明吖～

乜水： 而，當今日嘅你變成昨日嘅你嘅時候，你會變相得到昨日自已嘅幫助，而今日嘅你又繼續幫緊聽日嘅自已，咁樣，昨日今日同明日都會一同向好～

某：   唔唔，咁之後呢？

乜水： 咁，結論就係昨日今日同明日係能夠和平共處嘅，而，能唔能夠做到呢點呢，就要睇下閣下嘅功力夠唔夠火喉喇，哈哈哈。。

某：   嘻嘻，交流下啫，交流下啫 ……